കോലങ്ങൾ ആടുന്നു....
ജീർണ്ണ കോലങ്ങൾ ആടുന്നു
അന്തപ്പുരങ്ങളിൽ തെരുവോരങ്ങളിൽ
എങ്ങും എവിടെയും കബന്ധങ്ങളിൽ
നിന്നും നൂൽമാലപോൽ നിണം ഒഴുകി നടക്കുന്നു...
നിമജ്ജന കുടങ്ങൾ പുഴയുടെ മടിത്തട്ടിൽ ഉറങ്ങുന്നു
ആത്മാക്കളുടെ നിലവിളികൾ പുഴ വിഴുങ്ങുന്നു..
ഏഴിലം പാലയിലെ മറുപിള്ള തൂക്കുകളിൽ നാഗമുറങ്ങുന്നു
ശിരസറ്റ പറവകൾ ദിശ തെറ്റി പറക്കുന്നു
പ്രാണൻ കൂടുവിട്ട് കൂടു മാറുന്നു
ജീർണ്ണത നിനക്കുള്ളതാണ്
നാശം നിന്റെതുമാത്രമാണ്
നീ ഹനിച്ചത് നീയെന്ന ജീർണ്ണതയെ മാത്രം
ആത്മാവിപ്പോഴും അട്ടഹസിക്കുന്നു
നിനക്ക് ചുറ്റും
നീയതറിയാൻ ബധിരനല്ലൊ ഇപ്പോഴും...

ശ്രീ വർക്കല